Në seancën e 40-të të Zyrës Kombëtare Kompetente për Broadband (ZKKB), anëtarët e këtij organi miratuan njëzëri mendimin për propozim-amendamentet në Ligjin për rregullimin e statusit të ndërtesave të ndërtuara pa leje.
Presidenti Bukovalov sqaroi se ligji duhet të funksionojë me termin rrjete dhe mjete të komunikimit elektronik dhe për këtë organi propozon përkufizime që i referohen kanalizimit kabllor, boshtit kabllor, galerisë së kabllove, sistemit të antenave, kabllove të komunikimit elektronik dhe instalimit në objekt.
Nëse përkufizimet e propozuara nuk bëhen pjesë përbërëse e ligjit, zbatimi i tij praktik do të vihej në pikëpyetje, veçanërisht në procesin e përcaktimit të saktë të objekteve për të cilat do të duhet të përcaktohet statusi juridik. Gjithashtu, përkufizimet nuk bien ndesh me rregulloret ekzistuese vendase dhe evropiane për komunikimet elektronike.
Mbështetje për definicionet e propozuara ZKKB ka marrë edhe nga ekspertë të pavarur, duke vlerësuar se ato janë më se të nevojshme dhe duhet të jenë pjesë përbërëse jo vetëm e këtij ligji, por edhe e akteve të tjera ligjore dhe nënligjore, rregullore etj., që lidhen me këtë fushë.